Rosendal – Kultur og historie

Rutebåtkaien 1874

Med dampskipa i fjordafart frå 1860-talet vart postgangen heilt omlagt. Etter 1871 var det Det Søndhordlandske Dampskibsselskab med d/s ”Søndhordland” og d/s” Hordaland” som trafikkerte denne ruta.

I 1872 kom det post til Rosendal fire dagar i veka i januar til mars. Resten av året var det 6 dagar. Fram til i 1874 vart posten henta ute på Skålavikjo med ekspedisjonsbåt. Det året kom Skålakaien, og båtane kunne leggja til der.

Det vart eit hamskifte for bygda med kai, handelsbua ”Kvinndherreds handelsforening” og hotell på Skåla frå 1887. Den nye vegen (Skålagato) frå 1870-åra tok all sjøsstrafikken frå aust, og den gamle handelsstaden Vang kom i bakleksa etter kvart.

Biletet (bileta) over viser gamlekaien og Guddalsbua frå 1912. Det (dei) er truleg frå mellomkrigstida. Dagens høgdpunktet var når dampen la til kaien ikring kl 8 om kvelden. Post, handelsvarer og reisande med kister og pakkenellikar fann vegen opp på kaien – før straumen snudde den andre vegen. Langs buaveggen og rekkverka stør karane seg. Dei har teke seg fri frå arbeidet. No syg dei i seg inntrykka med vakne, lure augo treffande kommentarar. Men impulsane gjekk også den andre vegen.